|
Archwiliadau Treftadaeth
Archwiliad Treftadaeth Cymunedol
- Fe fyddwn yn creu pecyn cynhwysfawr o wybodaeth, themâu
a storïau diddorol a fydd yn ffynhonnell amhrisiadwy o wybodaeth
i’r gymuned.
- Mae archwiliad treftadaeth gymunedol yn casglu hanes “swyddogol”
a gwybodaeth leol drwy broses o ymchwil ac ymgynghoriad sy’n
caniatáu i’r gymuned chwarae rhan ganolog wrth greu’r
cynnyrch.
- Fe gewch archwiliad dibynadwy - adroddiad manwl a chywir wedi
ei ysgrifennu’n arbennig i’ch cymuned chwi –
yn adlewyrchu blaenoriaethau a gwybodaeth y bobl leol.
Manteision Archwiliad Treftadaeth Gymunedol
- Mae archwiliad treftadaeth leol yn sylfaen i brosiectau eraill
yn y dyfodol - yn cynnwys, taflenni, teithiau, llyfrau hanes lleol
neu safleoedd ar y we. Medrir hefyd ei ddefnyddio fel rhan o astudiaeth
dichonolrwydd gogyfer â phrosiectau mwy uchelgeisiol o fewn
y gymuned neu yn gysylltiedig â phartneriaid allanol.
- Fe all y broses archwiliad cymunedol gael effaith fuddiol ar
hunaniaeth cymuned a chydlyniad cymdeithasol. Fe ddaw hefyd a
chyfleon i feithrin gallu cymunedol ac i alluogi pobl leol i ddatblygu
ei syniadau ei hun.
- Mae archwiliad treftadaeth gymunedol yn cynnig cyfle i chwi
fod yn rhan o greu a chynnal cofnod o hanes eich cymuned drwy
ddefnydd creadigol o fas-data, ffotograffau a mapiau.
|
